Don Mlangeni Nawa ha a sa phela

Emong wa dibapadi tsa terama naheng ya Afrika Borwa Don Mlangeni Nawa o se a iketse bo ya batho.

Setjhaba se sebisitswe ka lefu la motshwaantshisi wa mehleng Don Mlangeni Nawa.

O hlokahetse, Laboraro la 16 Mmesa 2025, a le dilemo di 65.

Lelapa la hae le ile la etsa phatlalatso ya semmuso. Ba mo hlalositse e le pelo ya lelapa, ntate ya lerato, moena le motswalle.

Lelapa le boetse le ananela seo Bab’ Don Mlangeni a neng a le sona lefatsheng.

Ba lebohile melaetsa ya matshediso e tswang ho basebetsi mmoho, balatedi le setjhaba ka kakaretso.

Dintlha tse mabapi le ditshebeletso tsa sehopotso le tsa lepato,di tla fumaneha ho setjhaba ka nako e loketseng.

Kaha a bile thelevisheneng bonyane dilemo tse mashome a mararo, motshwantshisi enwa wa kgale e ntse e le e mong wa difahleho tse hlokomelehang ka ho fetisisa indastering.

• BALA HAPE: http://Sizok’thola e kgutlela thelevishining

Ba bangata ba tseba Bab’ Don ka ho etsa setshwantsho sa Zebedee Matabane lenaneong la mehleng la SABC 3 la Isidingo. O phethile karolo eo ka dilemo tse 16.

• Translator: Karabelo Molapo
• Source:http://Youthvillage.co.za