Mokete wa ho tlotla Winnie Mandela

Mokete wa EMBO, mokete wa matsatsi a mabedi, o tla tshwarelwa Soweto Theatre ka Moqebelo, ho tlotla lefa la Winnie Madikizela-Mandela, molwanedi wa tokoloho wa Afrika Borwa.

Mokete ona o tla ba le mmino o phelang,dipuisano, le ho nahanisisa ka histori, ho tsepamisitswe setso sa Madikizela-Mandela le boitseko ba Sexhosa.

Ketsahalo ena e ikemiseditse ho kgutlisa le ho pheta nalane ya Afrika ka lense ya Afrocentric.

Sehlooho sa selemo sena se shebane le ho fedisa thuto ya bokolone, ka dipuisano tse etelletsweng pele ke baithuti ba basadi ba dikolo tse phahameng tse tshwahlang kharikhulamo ya Eurocentric le tlhokeho ya litsamaiso tsa tsebo ya Afrika.

Mokete ona o na le dibini tse kang Medudutsane Basadi, Lungiswa Plaatjies, le Monghali Vee Sholo.

Ka ho keteka bahale ba Afrika le histori, EMBO e batla ho tlosa dipale tsena ho tloha ka thōko ho ya bohareng ba tlhokomelo ya setjhaba.

Ketsahalo ena ke monahano o matla wa kamoo nalane e ka hopolwang le ho phetwa, e hlahisa mekgwa e metle le e nang le moelelo molokong o motjha.

• BALA HAPE: Melanie Bala o bua ka tlhalo ya hae

Ka mokete ona, bahlophisi ba na le tshepo ya ho susumetsa pono e ntjha mabapi le lefa la Afrika le boitsebiso.

• Translator: Karabelo Molapo