Elaine o fihlela 1 million ho spotify

Sebini sa Afrika Boroa Ndivhuwo “Elaine” Mukheli o kene dipalopalong tsa dibini tsa Afrika Boroa tse mamelwang ka ho fitisisa lefatsheng.

Elaine, o fihleletse palo ya bamamedi ba 1 million ho spotify ka kgwedi, e leng e nngwe ya diphihlello tse kgolo bophelong ba hae.

Sebini sena sa pina ya ‘You’re The One’, ke mong wa dibini tsa Afrika Boroa tse ileng tsa nka sedikadikwe sa mmino ka setsokotsane ka lentswe la hae le mmino wa RNB.

Hara tse ding tsa diphihlello tsa hae, ke ho hapa kgau ya ‘African Muzik Magazine Awards’ ya sebini sa mosadi.

Dikgau tse pedi ho SAMAs ka 2021 (You’re The One) le ka 2023 ka video ya Shine le ho ba mothongwa wa dikgau tsa BET le MTV.

Pina eo ho dumelwang e le yona e phahamisitseng bolatedi ba Elaine ho tloha ho 100k ho ya ho 1 million, ke ya hae ya moraorao ya ‘Vele Uyena’.

BALA HAPE: Tyla o roba rekoto e nngwe hape ya lefatshe