Papa Penny o re ke MoTsonga otla bua XiTsonga

Gezani Kobane, ya tsejwang hape ka lebitso la Papa Penny, o ikemetse ka mora ho tobana le bothata ba ho sokola ho itlhalosa ka Senyesemane nakong ya seboka sa palamente.

Papa Penny  ya sa rutehang mme a buang XiTsonga jwalo ka puo ya habo, o ne a botsa diofisiri tsa SAFA ka nyewe ya bomenemene le tsamaiso e mpe.

Bothata ba hae ba ho se bue sekgowa bo ile ba tsosa kgang metjheng ya ditaba tsa setjhaba, ba bang ba belaella maemo a palamente le ho kgwethwa ha hae e le MP.

Papa Penny o hlalositse hore o ngotse dipotso tsa hae ka XiTsonga mme a etsa hore di fetolelwe ho senyesemane bakeng sa kopano.

O ile a hatisa hore ho se tsebe Sekgowa ha se taba, a re, “ha ke lekgowa, mme ha kea tlameha ho bua Sekgowa se phethahetseng.”

Penny o ile a bontsha matshediso ka ho bua puo ya hae le merero ya ho sebedisa XiTsonga dikopanong tsa palamente tse tlang, a lebeletse hore ho fanwe ka bafetoledi.

“Ke tla bua puo ya ka palamenteng, kaha re na le dipuo tse 11 tsa molao,”Kobane o boletse.

Ha a bone letho le phoso ka ho sebedisa puo ya habo, ho tiisa tokelo ya hae ya ho fapana ha dipuo ka palamenteng.

Kgang ena e totobatsa mathata a tobaneng le Mapalamente ao mohlomong a sa tsebeng Senyesemane hantle, e leng e nngwe ya dipuo tse sebediswang haholo dipolotiking tsa Afrika Borwa.

• BALA HAPE: Asavela Mqokiyana o se a bapalla Uzalo

Boemo ba Papa Penny bo tsositse dipuisano mabapi le boemedi ba puo le phihlello ya puo ka palamenteng.

• Translator: Karabelo Molapo