Connie Chiume o fumana tlotla selemo a hlokahetse

Kgalala ya thelevishene e seng e ile boya batho, e tswelapele ho fumana tlotla le ha e se e phomotse mobung o batang.

Connie Chiume ya bapetseng dipaleng tse ngata kwano lapeng tsa thelevishene, o tswelapele ho tlotlwa ka menyabuketso ya hae sedikadikweng sa boithabiso le thelevishene.

Kgalala ena e siile lefatshe selemo se fitileng ka kgwedi ya phato a ld dilemo di 72 ka mora ho kula ha kgutswane.

Ka mora ho hlokahala ha hae, Chiume o ile a tlotlwa ka kgau ya ‘Lifetime Achievement Award’ ke SAFTA.

Morao tjena o satswa tlotlwa ka kgau moketeng wa Directors Guild of South Africa award ceremony.

Chiume e bile karolo ya papadi ya Black Panther, moo a neng a botsha bokgoni le bokgabane ba hae papading eo ya matjhabatjhaba.

Moradi wa Chiume Nongelo, o babaditse mmae ka neo ya hae le dikgau tseo a ntseng a tswelapele ho dihapa le ha a se a hlokahetse.

“Ka dilemo tse fetang 50 sedikadikweng sa boithabiso le dikgau tsa mesebetsi ya hae kwano lapeng le matjhabeng,” ho realo Nongelo.

Forbes e mokentse lenaneng la batho ba ratwang (influential) ka 2023, o sebetsa le Samuel L Jackson, Beyoncé, Chadwick Boseman, Angela Bassett le ba bang.

Nongelo o hlalositse ha menyabuketso ya mmabona e tla dula e hopolwa.

BALA HAPE: Zenande Mfenyana o hopola Nandi Nyembe