Dipuisano tsa Cyril Ramaphosa le Donald Trump

Moporesitente Cyril Ramaphosa o kopane le Moporesitente wa Amerika Donald Trump.

Cyril Ramaphosa le Donald Trump ba kopanetse White House ho lokisa dikamano tse neng di senyehile mahareng a dinaha tse pedi.

Ramaphosa o tlisitse moifo o matla, ho kenyeletswa mohlomphehi wa kgwebo Johann Rupert le dibapadi tsa kolofo Ernie Els le Retief Goosen.

Qalong, kopano e ne e bonahala e le monate, ha Trump a thoholetsa dibapadi tsa kolofo tsa Afrika Borwa.

Leha ho le jwalo, ho ile ha nka kgang ka potlako ha Trump a hlahisa matshwenyeho mabapi le “polao ya batho ba basweu” Afrika Borwa, a qotsa pefo kgahlanong le dihwai tse tshweu tsa Afrikaner.

Trump o ile a bontsha Ramaphosa dingolwa tsa ditaba le sekotwana sa video seo a reng se tshehetsa seo a se buileng.

Ho kenyeletswa le setshwantsho sa moetapele oa EFF Julius Malema a bina pina ya “Kill the Boer”.

Ramaphosa o hlakisitse hore maikutlo a Malema ha a emele leano la mmuso, a totobatsa demokrasi ya mekga e mengata ya Afrika Borwa.

Leha ho le jwalo, Trump o ile a dula a sa kgodiseha, a bolela hore dikete tsa makgowa a Afrika Borwa a batla ho balehela Amerika ka lebaka la mahloriso.

Puisano e kgelohile morerong wa Ramaphosa, o neng o tsepamisitse maikutlo hodima diminerale le kgwebisano ya bohlokwa.

Els o hlokometse hore botlokotsebe ke taba e kgolo Afrika Borwa, e amang bohle.

Mme Els o  entseng tlhahiso ya hore tshehetso ya matjhaba e ka thusa ho rarolla mathata ana.

Goosen o ile a arolelana phihlelo ya hae ya ditlhaselo tsa mapolasi.

Mme o totobaditse tlhokahalo ya mehato e eketsehileng ya tshireletso.

Johann Rupert o hatelletse bohlokwa ba thuso ya thekenoloji ho fokotsa lefu le amanang le botlokotsebe ho batho bohle ba Afrika Borwa.

A fana ka maikutlo a tshebeliso ya Starlink le drones.

Ho sa tsotellehe phapanyetsano e tsitsitsweng, seboka se fane ka monyetla wa hore baeta-pele ka bobedi ba buisane ka ditaba tse hatellang.

Kemedi ya Ramaphosa e ne e ikemiseditse ho tsosolosa dikamano tsa lewa pakeng tsa dinaha tsena ka bobedi, ho lekola menyetla e metjha ya kgwebisano le matsete.

Seboka se ile sa phethela ka tsela e ka bang teng bakeng sa tshebedisano mmoho nakong e tlang.

• BALA HAPE: Naledi le Cici ba ntshitse setlabolane

Le hoja diphapang tsa maikutlo mabapi le ditaba tse tebileng tse kang tokiso ya mobu le pefo kgahlanong le dihlopha tse itseng di ne di bonahala.

• Translator: Karabelo Molapo
• Etswa ho: https://www.sowetanlive.co.za