Sizwe Dhlomo o hanne memo ya Lasizwe

Motlalehi wa ditaba wa Afrika Bowa Sizwe Dhlomo o hanne memo ya Lasizwe Dambuza ya ho hlaha lenaneong la hae le tsebahalang la YouTube “Awkward Dates”.

Taletso ena e ne e tsositswe ke tjheseho ya balatedi ba marang-rang, e leng se ileng sa etsa hore Dambuza a kope Dhlomo ho ba moeti.

Dhlomo o ile a hana ka boikokobetso, a bolela hore ha a etse dipuisano empa o ananela lenaneo mme a ka nahana ho hlaha haeba a na le seo a batlang ho se phahamisa nakong e tlang.

Qeto ena e ile ya tsosa maikutlo a fapaneng ho tsww ho balatedi.

Ba bang ba ne ba belaella toka ya ho hlaha feela molemong wa papatso, ha ba bang ba ne ba utlwisisa boemo ba hae.

Motshehetsi e mong o kgothaleditse hore Dhlomo a ka bapala lenaneong feela empa a se ke a itlhalosa, ha e mong a mo babatsa ka ho sebetsana le boemo hantle.”

Awkward Dates”e tumme ho tloha ha e qala ka 2022, e hohela bamamedi ka dipotso tse sa hlophiswang le dinako tse hlakileng.

Lenaneo lena le na le baeti ba fapaneng ba tummeng,  mme Dambuza o sa tswa arolelana lethathamo la baeti ba hae ba ditoro, ba kenyeletsang Bonang Matheba le Tyla.

Ha bohlokwa, Mofumahatsana wa mehleng Zozibini Tunzi o se a hlahile lenaneong, a thabisa bamamedi ka khemistri ya hae le Dambuza.

Qeto ya Dhlomo ya ho hana memo e tsositse phehisano hara balatedi, ba bang ba tshehetsa kgetho ya hae mme ba bang ba ikutlwa hore o fetotswe ke monyetla wa ho buisana le bamamedi ba hae sebakeng se kgutsitseng.

• BALA HAPE: Lethabo Mekoa e se ele sebuhudi sa MetroFM

Leha ho le jwalo, “Awkward Dates” e ntse e tswela pele ho thabisa bashebelli ba yona ka motswako o ikgethang wa metlae le dinako tse sa thabiseng.

• TRANSLATOR: Karabelo Molapo