Kendrick Lamar o etsa nalane ya dikgau tsa Grammy

Sebini sa America sa mmino wa Rap le Hip Hop Kendrick Lamar, o e ntse nalane moketeng o fetileng wa dikgau tsa Grammy.

Lamar, o tsamaile ka dikgau tse hlano bosiung boo e leng seo a neng a se etsa lekgetlo la bobedi ka tatellano.

Sebini sena sa pina ya ‘Luther’ o hapile kgau ya Best Rap Album (GNX), a hapa kgau ya Best Melodic Rap Perfomance ka ‘Luther with SZA’ a hapa le kgau ya Best Rap Song ‘TV Off featuring Lefty Gunplay.

Ha a phethela bosiu ba hae, Lamar ke ha a diela dikgala ka ho hap kgau ya Record of the Year ka Luther. Mona Lamar o ne a qotisana lehlokwa le dibini tse jwalo ka Lady Gaga, Billie Eillish, Bruno Mars le ba bang.

Dikgau tse hlano tsa Lamar, di morobetse rekoto ya dikgau tse ngata tsa Grammy jwalo ka ha a feta Jay-Z ya dutseng dikgaung tse 25 ha Lamar yena a dula dikgaung tse 27.

Ka kakaretso Lamar ona le palo ya dikgau tse fetang 80 ho akga BET Hip  Hop tse 37, MTV Video Music Awards tse 11 le tse ding tse fapaneng.

BALA HAPE:Donald Trump o tla hlahlela diqoso kgahlano le Trevor Noah