Lenaneo la MacG le tlameha hore le hlakolwe
Macgyver Mukwevho ya tsebahalang ka MacG o ka hara ditaba hape ka mora hore a bue se sa thabiseng ka Minnie Dlamini lenaneong la hae.
MacG o sutumelletsa ho rekiswa ha buka ya hae ka hara dikgohlano.
MacG hajwale o ntse a tuma metjheng ya ditaba tsa setjhaba mabapi le seo a se buileng ka Minnie Dlamini marang-rang a setjha.
MacG o boletse hore lebaka leo ka lona ho bonahalang Minnie Dlamini a sa kgone ho boloka monna e ka ba hobane karolo ya hae ya lekunutu e na le bothata.
MacG o boletse hore ho loketse ho ba le ho hong ho phoso ka Minnie Dlamini; Mme a bolella mosebetsi mmoho le Yena hore ntho tsena tsa hoba le mathata di a etsahala ho batho ba bo Mme.
Mme MacG o tswetse pele a Hlalosa hore haholo teng ho batho ba batle.
Ka lebaka la dipolelo tsa hae, MacG o fumane maikutlo a morao ho tswa ho basebefidi ba metjha ya ditaba ya setjhaba.
Ho na le ba ntseng ba hoeletsa hore ke naneo lena le MacG le hlakolwe.
Ka hara batho bao ho kenyelleditse le Moja Love TV.
Seteishene se nyatsitse MacG, se re ho hloya bosadi moeng ha ho lematse batho bao ho shebilweng ho bona feela, hape ho ntshetsa pele moetlo o tjhefu o etsang hore basadi ba nyenyefatswe.
Hara tsena tsohle, MacG o ile a nka nako ya ho rekisa buka ya hae, e sa hlakoleng: The Rise of MacG.
Buka ena e bōpilwe hore e se ke ya keteka feela ketsahalo e kgolo ya podcast le leeto la MacG, empa e boetse e reretswe ho fa baphatlalatsi bohle ba tlang le di-podcasters kutlwisiso e hlakileng ya marang-rang le mothehi wa yona.
Dikgwedi tse mmalwa tse fetileng, MacG o phatlalalitse hore buka e se e fumaneha mabenkeleng a mang a dibuka.
A sebedisa tjhelete e ngata ho phatlalatswa, hona jwale o sebedisa buka eo, a kōpa babadi hore ba reke dikopi tse ding.
- Translator: Karabelo Molapo
- Etswa ho: http://Sowetan.co.za
