Maikutlo a Ngizwe Mchunu a arola setjhaba 

Sebohodi sa mehleng sa seyalemoya e bile e le motho ya tsejwang ka ho bua phatlalatsa Ngizwe Mchunu, o arotse setjhaba ka mora ho ntshe maikutlo ka banna ba nyalaneng ba apere moaparo wa isiZulu.

Ngizwe, o entse kgatiso moo a sehollang ka bohale lenyalo lena le ho lebitsa mahlabisa dihlong moetlong wa Zulu hore banna ba babedi ba ka nyalana.

Maikutlo ana a Ngizwe, a sehollotswe ka bohale ke ba bang ba maloko a batho ba utlwana le batho ba bong bole bong.

Kim Lithgow hotswa ho Hate Crimes Working Group Same Love Toti, o qositse Ngizwe ka mantswe a lehloyo.

Setho sena se emelang leloko la LGBTQ+ se hlalosa ha mantswe a Ngizwe a ipapisitse le lehloyo mme a ikamahanya le susumetso ya lehloyo.

Kim Lithgow, o qotsitse sekgeshana sa molaotheo [Section 16(2)(c)] se bontshang ha maikutlo a Ngizwe a lahlisa.

Lithgow, o hlalositse ha batla bula nyewe kgahlano le Ngiwe ho South African Human Rights Commission (SAHRC) le Equality Court.

Ho tlalehwa ha e se lekgetlo la pele Ngizwe a ntsha maikutlo a bontshang nyenyefatsa bathong ba ratanang e le ba bong bo tshwanang.

Lithgow o re Ngizwe o lokela ho kopa tshwarelo le ho nyehelana ho LGBTQ.

“O lokela ho hula mantswe a hae le ho kopa tshwarelo. O lokela ke ho nyehela setjhabeng sa LGBTQ, le ho fumana kwetliso ya ho rutwa ka leloko lena. Maikutlo a hae a lahlehisa.”

BALA HAPE: Ama Qamata o kgaba moketeng wa L’Oréal