Mokete wa Fill Up Toyota o ntse o atamela

Sebini sa mmino wa Rap le Hip Hop Refiloe Maele Phoolo ya tsebahalang ka lebitso la Cassper Nyovest, o morerong wa ho tlatsa lebala la Toyota, Bloemfontein profenseng ya Free State.

Nyovest ya seng a entseng ‘Fill Up’ tse tsheletseng tse akgang mabala a tsheletseng, o lebisa morero wa hae Thabure lekgetlong lena.

Lekgetlo la ho qetela Nyovest a etsa tlatsa lebala, ke ha a ne a le lebaleng la Mmabatho ka selemo sa 2022.

Sebini sa pina tse jwalo ka Malome, Ghetto, Kusho Bani le tse ding, o se a phatlaladitse le ho bulela thekiso le ho ntsha lenane la dibini tsa tla hlwa sethala le yena.

Hara dibini tseo Nyovest a tlaba le tsona sethaleng, ke DJ Fantas, Le Goody, Show D le ba bang ba bangata.

Letoto lena ke la dibini tsa Free State mme Nyovest o hlalositse ha ho tlaba le dibini tse ding hotswa dibakeng tse ding.

Nyovest ke sebini sa pele Afrika Boroa sa ho tlatsa mabala a jwalo ka FNB le Orlando ka balatedi e le mokete wa mmino.

Moraong tjena sebini sena se matha ka pina ya ‘Aweh’ [Lordkez ft Cassper Nyovest] mme ke pina ya Lordkez o sebeditse le Nyovest.

Mokete ona oo ho lebeletswe o tla tlala, o tlaba ka la 06 Tshitwe lebaleng la Toyota, Bloemfontein.

BALA HAPE: Cassper Nyovest o lla ka ditshebeletso tsa Uber