Black Coffee o tla phethahatsa Toro tsa hae

DJ Black Coffee, ya hapileng dikgau tse ngata, o ikemiseditse ho theha koletjhe ya mmino bakeng sa ho hodisa moloko o latelang wa dibini tsa lefatshe tsa Maafrika.

Ka mora letshwele le atlehileng la ho bokella ditjhelete Johannesburg, le bokelletseng tjhelete e ka bang R3.1 milione.

Black Coffee o ikemiseditse ho nka bohato ba matjhaba.

Ketsahalo e latelang e tla etsahala Monte Carlo, Monaco, e tsamaellanang le F1 Grand Prix.

Sebini se hapileng Grammy se phatlaladitse ka lekgetlo la pele merero ya koletjhe ya mmino ka Pulungwana 2024, a hlalosa lerato la hae bakeng sa projeke.

“Ke mothating wa ho etsa projeke e haufi le pelo ya ka, e leng koletjhe ya mmino,” a rialo.

“Re tlilo leka ho bokella tjhelete e le hore ke tsebe ho aha koletjhe.” Mookameli wa mokgatlo wa Black Coffee Foundation, Lungie Maphumulo, o bontshitse thabo ka kgatelo-pele ya morero, a totobatsa bohlokwa ba ho bokella ditjhelete tsa Monaco tse tlang.

“Ka Monaco Grand Prix, re isa thomo ya rona sethaleng se seholo le ho feta,” o boletse jwalo.

“Sena se feta ho bokella tjhelete, ke mokgatlo wa ho bopa bokamoso ba nmino.”

Katleho ya ketsahalo ya pele e matlafaditse boitshepo morerong ona, nme Black Coffee Foundation e na le tshepo ya ho finyella dipakane tsa yona.

Ka ho nka bohato ba matjhaba, Black Coffee e ikemiseditse ho bokella tjhelete e ngata le tshehetso bakeng sa koletjhe ya mmino.

Porojeke ena e bontsha boitlamo ba Black Coffee ba ho kgutlisetsa setjhaba sa habo le ho matlafatsa moloko o latelang wa dibini tsa Maafrika.

Ka pono ya hae le boinehelo ba hae, kholejeng ya mmino e na le monyetla wa ho ba le tshusumetso e kgolo indastering ya mmino.

• BALA HAPE: Shebeshxt o tlameha ho ya Khoto

Takatso ya Black Coffee thutong ya mmino le boikemisetso ba hae ba ho etsa phapang ke tsona tse susumetsang morero ona.

• Translator: Karabelo Molapo
• Etswa ho: http://Youthvillage.co.za