Khwezi wa Skeem Saam o nkile kano ya lenyalo
Sehla sa manyalo se tswelapele ho nkisa baratani e bile e le ditho tse hlaheletseng ka mahetla sedikadikweng sa ditshwantsho dikano.
Sebapadi sa tshwantshiso Samukele Mkhize ya tsejwang ka lebitso la Khwezi ho Skeem Saam, o nkile kano ya lenyalo mafelo a fitileng a beke e bile e ba sebapadi sa moraorao ho nka kano.
Mkhize ya bapallang jwalo ka mme wa ngwana wa Lehasa Maphosa e bile e le mmakgwebo, o nkane le lerato la hae la pelo ka mora ho kena dikamanong tsa marato.
Lenyalo la Mkhize le molekane wa hae wa rakgwebo Rhedani, lene le tshwarwetswe motseng wa kwaDukuza, KwaZulu-Natal.
Ka selemo sa 2022, Mkhize o ile a phatlalatsa ho marangrang mokete wa tefo ya mahadi a hae e leng se ileng sa bontsha ha lenyalo le le haufinyana.
Mathwasong a kgwedi ena ya Mphalane, Mkhize o ile aba le moketjana o monyane wa ho keteka ho atemela ha lenyalo (bridal shower/party) ho engwe ya di’resort toropong ya Durban.
Sebapadi sena se kena letotong la dibapadi tse mmalwa tsa thelevishene tse nkileng kano selemong sena ho akga Lerato Nxumalo le Ayanda Thabethe.
