Thuli Madonsela e se ele mohlolohadi
Matshediso a rona a tswang botebong ba pelo a ya ho mosireletsi wa mehleng wa setjhaba Thuli Madonsela, ya sa tswa hlokahallwa ke monna wa hae. Richard Edward Foxton, wa tsejwang ka lerato e le Dick kapa “Mong Foxton”, o hlokahetse a le dilemo di 82.
Thuli Madonsela Foundation e lokoditse polelo e phatlalatsang ditaba tse bohloko.
Foxton o hlokahetse ka kgotso betheng ya hae, ho latela polelo.
O hopoloa e le monna ya ratwang wa mosadi wa hae eo hona jwale e leng mohlolohadi Moprofesa Madonsela.
hape e ne e le ntate e moholo, ntate-moholo ya lerato wa bana ba robong, hape e le mothehi wa pono oa feme ea hae, Foxton Communicating.
Feme ena e ile ya beha maemo a matjha lekaleng la dikgokahano, kaha e ne e le boiqapelo ebile e ikemiseditse ho buisana ka boitshwaro, pepeneneng le ho sebetsa hantle.
Foxton e ne e boetse e le morati ya tjhesehang wa dipapadi le tlhaho, ya neng a latela rakbi le krikete ya Afrika Borwa.
E ne e boetse e le Mokreste ea inehetseng, ea bontshang ditswaneleho tse ikhethang tse kang ho fana.
Foxton o bontshitse sena ka mosebetsi wa hae wa ho fana ka diphallelo, a tshehetsa disosa tse ngata.
E ne e boetse e le mothehi wa Thuli Madonsela Foundation, mme tshehetso wa hae bakeng sa motheo e tla hopolwa e le karolo e sa feleng ea lefa la hae.
Sehopotso sa hae se tla tshwarelwa Rosebank Catholic Church ka Labohlano ka 2pm. Sena se tla latelwa ke mokete wa bophelo ba hae Bryanston Country Club.
- Translator: Karabelo Molapo
