Zenande Mfenyana o hopola Nandi Nyembe

Sebapadi sa Thelevishene Zenande Mfenyana o re o utlwa e ka o fositse Nandi Nyembe ka ho se etse ho tlala seatla. Nyembe o hlokahetse mafelo a beke a le dilemo di 75.

Mfenyana o ntshitse maikutlo a hae ho X moo a hlalositseng ha a dumela a fositse Nyembe.

“Ke utlwa e ka ha keya bapala karolo ya ka ho Mam’Nandi mme ke maswabi hore ha keya etsa ho feta.”

Mfenyana o hlalositse ha Nyembe a bapetse karolo e kgolo ho tloha bonyaneng ba hae.

“Ho tloha ke sa hola ke shebella Mam’Nandi ho Kideo a re qoqela dipale tsa Afrika, ho fihlela ke ba le monyetla wa go sebetsa le yena …. pelo ya ka e bohloko.”

Nyembe ya neng a na le dilemo tse fetang 50 a bapala dipaleng o bapatse paleng e jwalo ka Zone14, SoulCity, Isibaya, Isithembiso le tse ding.

Nyembe le Mfenyana, ba bapetse kaofela pale tse jwalo ka Ashes to Ashes le The Queen moo Mfenyana a reng o ithutile tse ngata ho yena.

Mfenyana o hlalositse Nyembe jwalo ka mme le motho ya bapetseng karolo e kgolo sedikadikweng sa boithabiso le Thelevishene.

“Mam’Nandi e ne e se sebapadi fela. E ne e le moya o phethang pale tsa Afrika Boroa. O ne a ruta, a tataisa e bile e le mme wa setjhaba. Ka mosebetsi wa hae o re file boikgantsho ka pale tsa rona.”

Melaetsa ya matshidiso e ntse e tswelapele ho kena bongata lapeng la Nyembe ka mora tahlehelo e kgolo ya mme ya bona.

BALA HAPE: Sol Phenduka o phunya seso