Tebello ke e kgolo moketeng wa MACUFE

Mokete wa selemo le selemo wa Mangaung African Cultural Festival (MACUFE) o lebelletswe ka tjantjello e kgolo ka mora dilemo o le siyo.

Mokete ona o bapatsang bonono le bokgoni ba batho ba Free State ka meketjana e fapaneng o qala moo o qetetseng.

MACUFE e nka matsatsi a leshome ya keteko moo ke moo hobang le dipotso tsa bonono, mekete ya mmino e fapane e qetele ka bolo.

Selemong sena, MACUFE e matlafaditse palo ya dibine tsa se lehae. Dibine tse fetang 120 tsa Free State, ditla fumana monyetla wa ho thabisa letswele.

Palo ena e kenyeleditse mekete e jwalo ka Hip-Hop vs Amapiano, Main Festival le Gospel Festival.

Sena ke phihlello e kgolo hobane tse ding tsa dibine ditlabe di qala ho fumana monyetla wa ho hlwela sethala sa mofuta ona.

Letona la dipapa, bonono le setso ka hare ho Free State, Ntombizanele Sifuba o re ke mosebetsi wa lefapha ho phahamisa dibina tsa Free State.

“Maikemisetso a rona ke ho thusa dibini tsa Free State mme ho ba thusa ke ka molao theo. Ka ho etsa jwalo retlabe re lwana kgahlano le bothata bo boholo,” Ho realo Sifuba.

Hara dibini tse lebelletsweng mminong wa sedumedi ke Lebo Sekgobela, Teboho Moloi le Teboho Moruti. Mminong wa “Main Event” mahlo a tlabe a le ho Ntando, Semito le Vusi Nova.

Selemong sena, mokete ona o tla tshwara ka nako e fapaneng le ya dilemo tse ding. Selemo sena o tla matha ho tloha ka la 3 ho fihla ka la 7 Lwetse.

BALA HAPE: Nyewe ya AKA le Tibz e kgutlela lekgotleng