Thembisa o tlo bapala Winnie Mandela tlhahisong ya sethala

Sebapadi se hapileng kgau le sebohodi Thembisa Mdoda-Nxumalo o tla bapala abtshwantshetsa  Winnie Mandela bukeng ya The Cry of Winnie Mandela.

Tshwantshiso ena, e nkilwe ke Alex Burger ho tswa bukeng ya Njabulo S.Ndebele, e tsamaiswa ke MoMo Matsunyane.

E kgutlela The Market Theatre ho tloha ka Hlakola 26- Hlakubele 23′ 2025, kamora ho matha ka katleho Cape Town.

Mdoda-Nxumalo o etella pele sehlopha sa matla se kenyelletsang Rami Chuene, Ayanda Sibisi, Siyasanga Papu, Lesley Made, le Pulane Rampoana.

Matsunyane o hlalositse terama ena e le teko e sebete ya ho leta, le boitelo.

“Winnie Mandela e ntse e le motho ya matla, ya nang le mekgahlelo e mengata.

“Moya wa hae wa phetoho le mamello di tswela pele ho susumetsa basadi ho pholletsa le meloko,” o boletes.

Pale ena e latela basadi ba bane ba nahanang ka bophelo ba bona ha ba ntse ba emetse ho kgutla ha banna ba bona.

Dipale tsa bona di hokahana le tsa Winnie Mandela, di hlahloba tiisetso le mamello.

Papadi ena e fana ka phihlelo e susumetsang ya kalaneng, e tsamaisanang le mathata a nakong e fetileng le a hona jwale.

Ho sa le jwalo, lenyalo la bobedi la Mdoda-Nxumalo le tlalehwa le le mathateng.

Monna wa hae, Mfanelo Nxumalo, ho thwe o tlohile lehaeng la bona la Fourways selemong se fetileng.

BALA Hape: Nota o ya bua ka mora hore diqoso tsa peto di hlakolwe

O boletswe hore o dula foleteng e Northcliff, Johannesburg