Lesego Marakalla o kgutlela ho Skeem Saam
Metjha ya Marang-rang e Arabela ditlaleho tsa ho Kgutlela ha Lesego Marakalla ho Skeem Saam.
Lesego Marakalla o ile a tuma ha a ne a bapala ho Skeem Saam dilemong tse leshome tse fetileng.
Sebapadi se hapileng kgau se ile sa bapala karolo e ikgethang ya Rachel Kunutu.
Lesego o bile le terama e rutang haholo ho tloha ho tonakgolo ya yona ka 2011, ho fihlela ka 2020.
Sebapadi sa hae e leng Rachel, o ile a etsa sohle seo a ka se kgonang ho phela bophelo boo a neng a dumela hore ntate wa hae wa mofu a ka be a mo file bona.
Ba bangata ba bile ba mo bitsa mofumahadi oa bophelo bo bonolo, kapa Slay Queen.
Ha a ntse a fumana tatso ya bophelo bo monate, Rachel o ile a lwana le lelapa la hae le haufi le yena.
O ile a qetella a nyetswe ke monna-moholo wa morui, Marothi Maphuthuma, mme lenyalo la ba tjhefo.
Ntho e ntle le yona e fedile, mme ho jwalo le ka Rachel ho Skeem Saam.
Ho tloha ha hae lenaneong ho ile ha swabisa bashebelli, ba seng ba mo rata.
Lesego o ne a supa maikemisetso a ho phomola ho tsa thelevishini mme a boela sekolong.
Leha ho le jwalo, ka mora nakwana, o ile a kgutlela thelevishining ka karolo e ntjha.
Lesego o ile a kena sehlopheng sa dibapadi se tshabehang sa Generations: The Legacy, a bapala Thuso.
Sebopeho sa hae se ile sa tla e le molekane wa Winston botlokotsebeng mme a tla ka tshwantshiso e hlokahalang haholo.
Ho latela polelo e tswang ho SABC1, Rachel o kgutlile, mmoho le monna wa hae Marothi.
O tla kgutla ka la 10 Phuptjane, ha Marothi a tla kgutla ka la 13 kgwedini yona eo.
“Ho monate haholo ho kgutla. Ha e bue ka nna feela empa hape e mabapi le batshehetsi ba ka ba ananelang mosebetsi wa ka.Ba ntse ba mpotsa hore na ke tla kgutlela Skeem Saam neng. Ke thabetse ho bolela hore ba tla mpona hape thelevishining, ke bapala Rachel haufinyane,” Lesego a rialo.
- Translator: Karabelo Molapo
- Etswa ho: http://Sowetan.co.za
